Շատ կանայք, ցանկանալով դառնալ շիկահեր, բախվում են գունաթափված մազերի չորության խնդրին: NEWS.am STYLE-ը որոշեց օգնել նրանց՝ առաջարկելով մի քանի բաղադրատոմս տնային պայմաններում գունաթափված մազերը խնամելու համար:
Մեղրով դիմակ
մեղր – 1 թեյի գդալ;
զեյթունի ձեթ – 1 ճաշի գդալ;
ձվի դեղնուց – 1 հատ:
Անհրաժեշտ է դիմակը քսել խոնավ մազերին եւ պահել 30-40 րոպե: Այնուհետեւ լվանալ գոլ ջրով: Այս գործողությունը հարկավոր է կրկնել շաբաթը 3-4 անգամ:
Բուսական թուրմ ողողելու համար
Հարկավոր է թուրմ պատրաստել հետեւյալ բույսերից. կռատուկի արմատ, եղինջ, երիցուկ, արեւքուրիկ (зверобой): Բոլորը եփում ենք, պետք է ստացվի կես բաժակ խոտ եւ 1 լիտր եռացրած ջուր: Մաքուր մազերը ողողում ենք այս թուրմով: