Մոսկվայում ծեծի են ենթարկել «Стиляги» ֆիլմի դերասանուհուն

15:19   7 դեկտեմբերի, 2021

Մերձմոսկվայում ծեծի է ենթարկվել Վալերի Տոդորոսվկու «Стиляги» ֆիլմի աստղ Իննա Կոլյադան, նա հայտնվել է հիվանդանոցում, գրում է «Կոմսոմոլսկայա պրավդա»-ն։

Դերասանուհին բժշկական կենտրոն է դիմել նոյեմբերի վերջին բազմաթիվ վնասվածքների պատճառով։ Բժիշկները զննել են նրան ու բուժման ուղարկել։

8b6056cc5e2d8817f97bb957680bdef5.jpg (25 KB)

«32-ամյա հիվանդի մոտ ախտորոշվել են գանգուղեղային փակ վնասվածք, գլխուղեղի ցնցում, բազմաթիվ ջարդվածքներ, գլխի, դեմքի, կրծքավանդակի, վերին եւ ստորին վերջույթների հեմատոմաներ։ Տուժողի խոսքով՝ իրեն ծեծի են ենթարկել»,- հայտարարել է պարբերականի աղբյուրը։

Իննա Կոլյադան նկարահանվել է ավելի քան 50 նախագծում՝ ինչպես սերիալներ, այնպես էլ լիամետրաժ ֆիլմեր։ Նա նկարահանվել է նաեւ հիթային դարձած «Стиляги» եւ «Оттепель» սերիալներում։

 

 



© NEWS.am STYLE