Նոր սկանդալ Քարդաշյան ընտանիքում․ Քլոեի ընկերոջ սիրուհին երեխա է ունեցել

22:12   7 դեկտեմբերի, 2021

«Սակրամենտոյի» բասկետբոլային թիմի կենտրոնական խաղացող Թրիստան Թոմփսոնը կրկին հայր է դարձել։ Ճիշտ է, փոքրիկին լույս աշխարհ է բերել ոչ թե մարզիկի սիրեցյալ Քլոե Քարդաշյանը, այլ նրա անձնական մարզիչ Մարալի Նիկոլսը։ Աղջիկը պատմել է, որ տղամարդն իրեն առաջարկել է 75 հազար դոլար միանվագ գումար, եւ ծրագրել է այդ գումարը փոխանցել կանխիկ:

Դատարանում մարզիկը խոստովանել է, որ մի քանի անգամ իր ու Մարալիի միջեւ ինտիմ կապ է եղել Հյուսթոնի հյուրանոցում։ Սակայն պահանջում է հայրության թեստ անցկացնել։ Թոմփսոնի եւ Նիկոլսի միջեւ տեքստային նամակագրության համաձայն, որը ներկայացված է հայցում, Թոմփսոնը հայտարարել է, որ «ընդհանրապես չի մասնակցի երեխայի կյանքին»:

«Եթե դու մտածում ես, որ երեխայի ծնունդը քեզ մի քիչ փող կբերի, սխալվում ես։ Դու տեղյակ ես, որ ես այս մրցաշրջանից հետո հեռանում եմ NBA-ից։ Այնպես որ ապրուստավճարի տեսանկյունից դու կստանաս այն գումարը, որը պետք է վճարի գործազուրկը։ Տեխասում դա կլինի ընդամենը մի քանի հարյուր դոլար։ Այնպես որ, դու պետք է վերցնես այդ 75 հազարը, որ ես առաջարկում եմ, քանի որ դա ավելի լավ է, քան գործազուրկ հոր ալիմենտը։ Դու ռիսկի ես դիմում երեխա ունենալ մի մարդուց, որի հայրը նրա կյանքում ոչ մի դեր չի խաղում, եւ ամսական մի քանի հարյուր դոլար ալիմենտ», – գրել է Թոմփսոնը աղջկան։

Ինչպես հայտնում է The Sun-ը Քլոե Քարդաշյանն իմացել է, որ իր նախկին սիրելին կրկին անգամ հայր է դարձել է եւ ցնցվել է։ Հարազատները հայտնել են, որ «երբեք նրան այդչափ վրդովված չեն տեսել»։ Աստղը Թրիստանի հետ հարաբերություններ ուներ, երբ տղամարդուց հղիացավ Մարալի Նիքոլսը։ Այդ իսկ պատճառով Քլոեն կրկին անգամ դավաճանված է։



© NEWS.am STYLE