Արքայազն Ուիլյամն ու Քեյթ Միդլթոնը հաճախ չեն ցուցադրում իրենց ժառանգներին։ Սակայն կաթոլիկ Սուրբ Ծննդյան նախօրեին Քեմբրիջի դուքսերը երկրպագուներին ուրախացրել են հազվագյուտ ընտանեկան լուսանկարով։ Նոր լուսանկարը հրապարակվել է զույգի Instagram-յան պաշտոնական էջում:
«Ուրախ ենք Ձեզ հետ կիսվել մեր ընտանիքի նոր լուսանկարով, որն օգտագործվել է այս տարվա սուրբծննդյան բացիկի համար», — ասվում է լուսանկարն կից:
Կադրում ամուսինները պատկերված են իրենց երեխաների՝ 8-ամյա արքայազն Ջորջի, 6-ամյա արքայադուստր Շառլոտայի եւ 3-ամյա արքայազն Լյուիի շրջապատում։ Լուսանկարն արվել է Հորդանան կատարած ընտանիքի այցի ժամանակ։
Երկրպագուները նշել են, որ թագավորական ընտանիքի կրտսեր ներկայացուցիչները նկատելիորեն մեծացել են։ Օրինակ, արքայադուստր Շառլոտան հմայիչ փոքրիկից վերածվել է իսկական երիտասարդ լեդիի՝ զուսպ կեցվածքով եւ մորից ժառանգած նրբագեղությամբ։ Իսկ ահա արքայազն Ջորջն ավելի շատ հիշեցնում է Եղիսաբեթ Երկրորդդ թագուհու ավագ թոռանը։ Նա նույնքան բաց եւ անմիջական ժպիտ ունի, որքան արքայազն Ուիլյամը։ Ինչ վերաբերում է փոքրիկ Լուիին, ապա բրիտանացիների կարծիքով, նա շատ նման է դքսուհի Քեթրինին։
Աղբյուրը՝ 5канал