Ռեփեր Բաստայի (իսկական անունը՝ Վասիլի Վակուլենկո) նախկին պրոդյուսերը, որը նաեւ մոսկովյան գիշերային ակումբի եւ «Газгольдер» ձայնագրող ընկերության հիմնադիրներից մեկն է՝ Եվգենի Անտոմոնին, դատապարտվել են երեք տարվա ազատազրկման։ Այդ մասին հայտնում է «Մոսկովսկի կոմսոմոլեց»-ը՝ վկայակոչելով Դորոգոմիլովսկի շրջանային դատարանին։
Դատարանը գործարարին երկու տարով զրկել է կոմերցիոն կազմակերպություններում կառավարող գործառույթներ իրականացնելու իրավունքներից։ Բաստայի նախկին պրոդուսերի նկատմամբ ընտրված խափանման միջոցը՝ չհեռանալու մասին ստորագրությունը փոխվել է կալանքով։
Անտիմոնիի վերաբերյալ քրեական գործը հարուցվել է «Кружка» ապրանքանշանի պատճառով։ Ըստ մեղադրանքի՝ առանց «Бинертон-Ка» ընկերության իր գործընկերների իմացության ապրանքանշանը վաճառել է իր մեկ այլ ընկերության՝ «Рамш»-ին, 2019թ․-ին գրում էր «Baza» ալիքը։ «Մոսկովսկի կոմսոմոլեցը» պնդում է, որ Անտիմոնին ապրանքանշանը վաճառել է «խորհրդանշական 100 ռուբլիով»։ Լրատվամիջոցները նշում էին, որ ապրանքանշանի իրական արժեքը 150 միլիոն ռուբլի է։