Քեթի Տոպուրիան օրենքով գող հոր մասին. «Սուտ է, որ նա մարդասպան էր»

Քեթի Տոպուրիայի հայրն իսկապես քրեական հեղինակություն էր։ Երգչուհին հազվադեպ է խոսում իր ընտանիքի մասին, սակայն վերջերս որոշել է կիսվել անցյալի մասին ճշմարտությամբ՝ հոգնել է բամբասանքներից։

Ինչպես պատմել է երգչուհին, 90-ականներին նրա հայրը՝ Անդրո Տոպուրիան, այսպես կոչված օրենքով գող էր։ Վրաստանում, որտեղ այն ժամանակ ապրում էր ընտանիքը, բարդ ժամանակաշրջան էր, եւ փողոցներում կարգուկանոն էին հաստատում ոչ թե իշխանությունները, այլ այնպիսի մարդիկ, ինչպիսին A'Studio-ի մեներգչուհու հայրն էր, կարծում է նա:

«Հետո եկավ Միխայիլ Սահակաշվիլին (Վրաստանի նախկին նախագահը), հայրս տեղափոխվեց Մոսկվա, քանի որ այնտեղ արդեն անհնար էր գտնվել, եւ ինչ-որ պահի նրան ձերբակալեցին։ Բանտում նա հիվանդացավ, ապա կաթված։ Այն, ինչ գրում են ինտերնետում, սուտ է: Ճիշտ չէ, որ նա մարդասպան էր», - ասել է Քեթի Տոպուրիան Նադեժդա Ստերեցի հետ հարցազրույցում։

Անդրո Տոպուրիան «աննախանձելի» համբավ է ձեռք բերել պատանեկության մի դեպքից հետո, պարզաբանել է երգչուհին: Երբ նա 17-19 տարեկան էր, բակում ծեծկռտուք է տեղի ունեցել, որի հետեւանքով տղա է մահացել։ Կռվի բոլոր մասնակիցները փախել են, իսկ Անդրոն մնացել ու երիտասարդի մահվան մեղքը վերցրել է իր վրա։

«Այստեղից է ի հայտ եկել այդ արտահայտությունը, իբր նա բանտարկված է եղել սպանության համար: Բայց ոչ մի սպանություն նա չի կատարել, իհարկե», - հավելել է երգչուհին։

Անդրո Տոպուրիան մահացել է բանտախցում 2010 թվականին: Սակայն աղջիկը, չնայած նրա անվան շուրջ պտտվող բամբասանքների, չի հավատում ոչ մեկին, իր հորը  համարում է մաքուր եւ լավ մարդ:

Աղբյուրը՝ 5канал