«Խիզախություն ունեցա խոստովանել թերություններս ու բաց թողնել չարությունը՝ տանջող, հոգիս բզկտող...»․ Սարգիս Գրիգորյանն ամփոփել է 2021 թվականը

12:40 19 դեկտեմբերի, 2021

Դերասան Սարգիս Գրիգորյանը նոր գրառում է կատարել՝ ամփոփելով տարին։ Նա խոսել է ձեռքբերումների, փոխվելու, նոր մտածելակերպի մասին։

269715660_513335586390970_3901806259495431158_n(1).jpg (188 KB)

«Տարվա ամփոփիչ, հաշվետու օրն այսուհետ` այսօր է:

Եվ ուրեմն...

Շատ մեծացա այս տարի...

Շատ բանի միջով անցա այս տարի...

Շատ մտածեցի այս տարի` շատ-շատ ու դեռ կմտածեմ...

Շատ փոխեցի ինձ միանգամից...

Շատ երկար տեւեց պրոցեսը հասկանալու, որ ոչինչ չեմ հասկացել(ում)...

Շատ ավելի սկսեցի գնահատել կարեւորն ու անկարեւորի վրա ծիծաղել սկսեցի անկեղծ...

Շատ ցանկացա լռել ու լսել սովորել շատ ուզեցի...

Նկատեցի, որ սիրտս շուտ-շուտ է փափկում ու դա շատ լավ է` դուր է գալիս ինձ...

Խիզախություն ունեցա խոստովանել թերություններս շատ ու բաց թողնել չարությունը տանջող` հոգիս բզկտող...

Գրել սկսեցի ագահ ու մտածել շիտակ` անկողմնակալ...

Երազանքներ ունեցա ոչ շաբլոն` նպատակներ ոչ կենցաղային...

Ճանապարհը սկսեցի փնտրել Աստծո` որ մոտ լինեմ կարեւորին...

Ահա:

Ինչ գրեցի` գրեցի միանգամից, իսկ էստեղից սկսեցի մտածել` միտքս ասեց հերիք է: Ուրեմն սահմանափակվեմ էսքանով:

Հաջորդ հաշվետուն 1 տարուց:

Հարգանքներով...», - գրել է Սարգիս Գրիգորյանը։