Հայաստանը կհյուրընկալի «Մանկական Եվրատեսիլը». Հովհաննես Մովսիսյան
13:56 21 դեկտեմբերի, 2021Հայաստանը կհյուրընկալի «Մանկական Եվրատեսիլ 2022»-ը։ Այս մասին ֆեյսբուքյան էջում գրել է Հանրային հեռուստաընկերության գործադիր տնօրեն Հովհաննես Մովսիսյանը։
«Եվրոպական հեռարձակողների միության հետ բանակցությունների արդյունքում հաստատվել է, որ հաջորդ տարի Հայաստանը կհյուրընկալի «Մանկական Եվրատեսիլը»: Արդեն վաղվանից պետք է բոլորս պատրաստվենք այս մասշտաբային միջոցառմանը. այստեղ մեզ յուրաքանչյուրիդ աջակցությունն է պետք:
Դե ինչ, բարի գալուստ Հայաստան»,- գրել է նա։
Դեկտեմբերի 19-ին Ֆրանսիայի մայրաքաղաք Փարիզում կայացած «Մանկական Եվրատեսիլը 2021» մրցույթի ընթացքում Հայաստանի պատվիրակ Մալենան հաղթանակ է տարել մրցույթում։