Քորթնի Քարդաշյանն ու Թրեւիս Բարքերը ձմեռային հեքիաթ են ստեղծել Լոս Անջելեսում եւ ստացել հեյթի մեծ ալիք
10:14 26 դեկտեմբերի, 2021Քորթնի Քարդաշյանն ու Թրեւիս Բարքերը հիանալի են անցկացնում ամանորյա տոները։ Նախօրեին զույգը որոշել է Ձմեռային հեքիաթ ստեղծել Լոս Անջելեսում։ Աստղերը հատուկ արհեստական ձյուն են պատվիրել, որպեսզի միասին սահնակով սահեն։
Քորթնին իր Instagram-ի Stories-ում տեսանյութ է տեղադրել, որում զվարճանում է իր սիրելիի հետ։
Սակայն համացանցի օգտատերերը բնավ չեն գնահատել այդ գաղափարը։ «Գումարի անմիտ վատնում», «Կարող էիք մի քանի կարիքավոր երեխաներ հրավիրել», «Նա ծախսում է իր բոլոր գումարները, որպեսզի տպավորի Թրեւիսին», «Մարդիկ, որոնք շատ գումար եւ քիչ խելք ունեն», «Փողը քամուն են տալիս», - գրել են մեկնաբանները։
Հիշեցնենք, որ 2020-ի դեկտեմբերին Քորթնին եւ Թրեւիսը, որոնք հարեւաններ եւ մտերիմ ընկերներ էին, սիրավեպի մասին խոսակցություններ էին հրահրել: Ավելի ուշ՝ 2021-ի փետրվարին, նրանք պաշտոնապես հայտարարեցին իրենց հարաբերությունների մասին։
Աղբյուրը՝ PeopleTalk