Գիտեի՞ք արդյոք. «Տանը մենակ 2. Նյու Յորքում կորածը». 11 հետաքրքիր փաստ ֆիլմի մասին

17:04   26 դեկտեմբերի, 2021

NEWS.am STYLE-ը շարունակում է ներկայացնել տարբեր հանրաճանաչ ֆիլմերի մասին հետաքրքիր փաստերը: Այսօր կխոսենք Քրիս Կոլամբուսի ֆիլմի մասին, որն ամբողջ աշխարհում ասոցացվում է Ամանորի հետ.«Տանը մենակ 2. Նյու Յորքում կորածը» (1992թ):

Եվ այսպես…

1.Մաքոլեյ Քալկինը շարունակության համար ստացել է 8 միլիոն դոլար հոնորար։ Ժամանակին սա 12-ամյա տղայի անունով գրված ամենաթանկ չեկն էր։

2.Խաղալիքների խանութը կոչվում է Duncan's Toy Store: Խանութն անվանվել է գործադիր պրոդյուսեր Դունկան Հենդերսոնի պատվին։

h1.jpg (102 KB)

3.Գանգստերական ֆիլմը, որը դիտում է Քևինը, գոյություն չունի։ Ֆիլմում օգտագործելու համար հատուկ նկարահանվել է մի հատված։

4.Entertainment Weekly-ն խնդրեց բժշկին վերլուծել, թե ինչ հետևանքներ կունենան Հարրիի և Մարվի վնասվածքները։ Դեմքի աղյուսները «լավագույն դեպքում ուղեղին վնաս կհասցնեն, իսկ վատագույն դեպքում՝ մահ»:

5.Էպիզոդիկ դերը բաժին հասավ ֆիլմի ռեժիսոր Քրիս Կոլումբոսի դստերը։ Էլինոր Կոլումբուսը խաղալիքների խանութում խաղացել է փոքրիկ հաճախորդի դեր: Իսկ ինքը՝ Կոլումբոսը, հայտնվեց որպես Դունկանի խաղալիքների խանութի աշխատող։

h2.jpg (97 KB)

6.Ֆիլմի թողարկումից մի քանի շաբաթ անց Tiger Electronics-ը թողարկեց Talkboy խաղալիքի իրական տարբերակը, որը Քևինը շատ է օգտագործում ֆիլմում։ Ինչպես ֆիլմում, նա կարողացավ մանկական ձայնը վերածել հասուն տղամարդու ձայնի։

7.Դերասանուհի Բրենդա Ֆրիկերի մասնակցությամբ տեսարանների նկարահանման համար ընտիր աղավնիների հետ հրավիրվել էր հատուկ աղավնի վարժեցնող։ Հիշեցնենք, որ նա ֆիլմում մարմնավորում էր տիկնոջը ՝ կենտրոնական այգում աղավնիներով շրջապատված:

8.Այն տեսարանում, երբ Քևինը (Մաքոլեյ Քալկին) մտնում է Պլազա հյուրանոց և անցորդին հարցնում. «Որտե՞ղ է սրահը», նրան պատասխանում է ամերիկյան հայտնի բիզնեսմեն և ԱՄՆ 45-րդ նախագահ Դոնալդ Տրամպը, ով այդ պահին նշված հյուրանոցի տերն էր:

h3.jpg (104 KB)

9.Քեթրին Օ'Հարան անհանգստանում էր, որ Քևինին գտնելու համար իր կերպարը բավականաչափ ջանքեր չի գործադրում: Նրա մտահոգությունը ցույց տալու համար տեսարաններ են ավելացվել։ Օ'Հարան ասաց, որ տանը պարապել է, որպեսզի դեմքի արտահայտությունը լինի «մեղավոր և տխուր»:

10.Մայքլ Ջեքսոնը նկարահանման հրապարակում այցելել է Մաքոլեյ Քալկինին։

11.Դանիել Սթերնի խոսքերով՝ այն տեսարանը, որտեղ Մարվը հոսանքահարվում է լվացարանի մոտ, ստիպեց Քրիս Կոլումբուսին այնքան հիստերիկ ծիծաղել, որ նա նույնիսկ ունակ չէր բղավել «նկարահանված է» նույնիսկ այն բանից հետո, երբ Սթերնը փլվեց հատակին և ավարտեց տեսարանը:

Նորայր Նազարյան



© NEWS.am STYLE