«Միսս Տիեզերք 2019» Դայանա Դավթյանը ամանորյա մի քանի ֆոտոշարք է հասցրել իրականացնել, որոնց լուսանկարներից տրամադրել է NEWS.am STYLE-ին ու պատասխանել մեր թեմատիկ բլիցին:
Դայանա, ինչի՞ հետ ես ասոցացնում Ամանորը...
Քաղաքի լույսերի եւ ամանորյա բարի երգերի հետ, որոնք ամենուր հնչում են:
Նոր տարին դիմավորելու կատարյալ ձեւը քեզ համար...
Երբ բոլոր հարազատներս եւ ընկերներս մի տեղում են:
Սուրբծննդյան թեմայով քո ամենասիրելի ֆիլմը:
«Հարրի Փոթթեր»:
Ամանորյա ամենասիրելի երգդ:
Sia-«Snowman»
Մինչեւ ո՞ր տարիքն ես հավատացել Ձմեռ պապին:
Չեմ հիշում՝ մինչեւ որ տարիքը, բայց հիշում եմ, որ դասարանիս տղաներից մեկը հայտարարեց ամբողջ դասարանին, որ Ձմեռ պապ գոյություն չունի (ծիծաղում է):
Ամանորյա ամենատպավորիչ նվերդ:
Հարրի Փոթթերի փայտիկը, որը ընկերուհիս էր նվիրել (ես Հարրի Փոթթերի մեծ երկրպագուհի եմ):
Ի՞նչ ես խնդրել «Ձմեռ պապից» այս տարի:
Որ մեր երկրում այսուհետ լինի խաղաղություն եւ մարդիկ լինեն ժպտերես:
Ամանորյա ամենասիրելի ուտեստդ:
Նրբավլիթ (բլինչիկ):
Ո՞ր ուտեստն ես այս տարի դու պատրաստել:
Բրուսկետաներ, բրաունի, աղցան: Մնացածը՝ մայրիկիս օգնությամբ (ժպտում է):
Ամանորյա երազանքդ...
Ուզում եմ, որ այն մարդիկ, որոնք ինձ համար թանկ են, միշտ լինեն կողքիս եւ լինեն երջանիկ:
Սյունե Առաքելյան
Լուսանկարները՝ Կարեն Դավթյանի, Հայկ Ալեքսանյանի եւ Հայկ Սարդարյանի