2022 թվականի ձմռան ամենանորաձեւ ջինսերը (մաս 2)
14:20 9 հունվարի, 2022Ջինսերը ցանկացած զգեստապահարանի անբաժանելի մասն են կազմում, հատկապես, երբ խոսքը վերաբերում է ձմեռային սեզոնին։ Այն ունիվերսալ իր է, որը կարելի է կրել եւ գրասենյակում, եւ երեկույթի ու զբոսանքի ժամանակ, եւ սրճարանում։ Մեր նյութում կպատմենք 2022 թվականի ձմռան կանանց ջինսե տաբատների նորաձեւության հիմնական միտումների մասին։
Կարճ ջինսե տաբատներ
Նորաձեւ կարճեցված ջինսերը ձմռան համար կարող են լինել ուղիղ, լայն։ Ընտրելիս կողմնորոշվեք ըստ Ձեր կազմվածքի։ Օրինակ, շրջված եռանկյունի կազմվածքով աղջիկներին կհամապատասխանեն կյուլոտ-ջինսերը, «ավազե ժամացույց» կազմվածքի տերերին՝ բարձր գոտկատեղով եւ լայն փողքերով ջինսերը։
Նորաձեւ դինամիկ կերպարների համար ընտրեք սեւ ջինսեր: Դրանք կարելի է համադրել գրեթե ցանկացած կոշիկերի հետ՝ սպորտայիններից մինչեւ բարձրակրունկներ։ Որպես վերնազգեստ կարելի է ընտրել ճարմանդով ջեմփեր, բանտով բլուզ, դասական ուղիղ վերնաշապիկ կամ բազային բլուզ՝ երկար բաճկոնով։
Մուգ կապույտ ջինսեր
Այս սեզոնում հայտնիության գագաթնակետին են գտնվում պարզ, մուգ կապույտ ջինսե տաբատները։ Ձեւը կարող է լինել ցանկացած, կարեւորն այն է, որ դրանք համապատասխանեն կազմվածքին։ Նման մոդելները հեշտությամբ կփոխարինեն դասական տաբատին, ինչպես նաեւ կօգնել ստեղծել ինչպես ամենօրյա, այնպես էլ երեկոյան լուքեր։
Առաջարկում ենք 2022 թվականի ձմռանը ջինսերը կրել բրդյա բաճկոնով։ Դուք կստանաք ֆրանսիական ոճի լուք։
Ոտքի հատվածում կտրվածքներով ջինսեր
Ոտքի հատվածում կտրվածքներով ջինսերը չեն կորցնում իրենց հայտնիությունը։ Այս ձմռանն առաջարկում ենք դրանք համադրել երկարաճիտների, կոշտ կոշիկների հետ։ Նման նորաձեւ ջինսերը կօգնեն ցրտաշունչ ձմռանը ոճային լուքեր ստանալ։
Ուղիղ ձեւվածքով մուգ կապույտ դասական ջինսե տաբատներն առաջարկում ենք կրել բրդե օձիքով բլուզով, վանդակավոր պրինտով բաճկոնով եւ բարձրակրունկ կոշիկներով։ Կստացվի զիլ աութֆիթ, որով կարելի է գնալ եւ աշխատանքի, եւ ժամադրության, եւ թանգարանի:
Աղբյուրը եւ լուսանկարները՝ Cosmo