Dior-ը ներկայացրել է չինական նոր տարվան նվիրված հավաքածուն
11:59 14 հունվարի, 2022Dior-ը հագուստի եւ աքսեսուարների հավաքածու է թողարկել ի պատիվ չինական նոր տարվա, որն այս տարի նշվելու է փետրվարի 1-ին, հայտնում է Hypebae-ն։
Վագրային պրինտի եւ կարմիր գույնի փոխարեն ապրանքանիշը նախապատվություն է տվել վարդագույնի երանգներին ու թիթեռներին։ Դրանք զարդարել են Lady Dior, Saddle, Book Tote, Lady D-Joy պայուսակները, հագուստը, D-Connect եւ Addict սպորտային կոշիկներն ու զարդերը։ Հավաքածուում օգտագործվել են նաեւ մոխրագույն, սպիտակ եւ ոսկեգույն գույները։
«Dior Lunar New Year» հավաքածուն արդեն վաճառքի է հանվել ապրանքանիշի կայքում, ինչպես նաեւ ընտրված խանութներում։ Իրերի արժեքը սկսվում է 250 դոլարից՝ բարակ շարֆի համար եւ հասնում մինչեւ 6500 դոլարի Lady Dior պայուսակի համար։