Netflix-ը ներկայացրել է ռուս խարդախ աղջկա մասին սերիալի թրեյլերը․ նրան հաջողվել է խաբել Նյու Յորքի ոսկե երիտասարդությանը (վիդեո)
14:12 17 հունվարի, 2022Netflix սթրիմինգային ծառայությունը ներկայացրել է «Հորինելով Աննային» (Inventing Anna) մինի սերիալի պաշտոնական թրեյլերը․ այն պատմում է ռուս խարդախ Աննա Սորոկինայի մասին, որը, ներկայանալով որպես հարուստ ժառանգ Աննա Դելեւի, օգտվել է ծառայություններից եւ յուրացրել հարյուր հազարավոր դոլարների կարողություն, հայտնում է Hypebae-ն։
Գլխավոր դերը կկատարի Ջուլիա Գարները, որը հայտնի է «Օզարիկ» եւ «Ամերիկացիներ» սերիալներում կատարած դերերով։ Նրան կիմանան Աննա Կլամսկին, Արիան Մոայեդը, Լավերնա Քոքսը, Քեթի Լոուսы եւ Անդերս Հոլմը։ Նախագծի շոուրանները Շոնդա Ռայմսն է, որը «Կրքի անատոմիա», «Ինչպես խուսափել սպանության համար պատասխանատվությունից» եւ «Բրիջերթոններ» նախագծերի ստեղծողն է։ Սերիալն ընդհանուր առմամբ տասը էպիզոդ կունենա։
«Կեղծ ժառանգորդ»․ արեւմտյան մամուլում այսպես էին անվանում բեռնատարի ռուս վարորդի դուստր Աննա Սորոկինային։ Նա մեկ տարվա ընթացքում ԱՄՆ-ում ներկայացել է որպես Աննա Դելեւի՝ Գերմանիայից հարուստ ժառանգորդ, որի հաշվին, իբրեւ, 60 միլիոն եվրո կա։ Նա ապրել է շքեղ հյուրանոցներում, նորաձեւության միջոցառումների մասնակցել, կրել լյուքս դասի ապրանքանիշերի հագուստ եւ ընթրել Նյու Յորքի լավագույն ռեստորաններում․ նրան հաջողվել է այս ամենը ստանալ կեղծ կտրոնների միջոցով։ Դելեւին հիմարացրել է ոչ միայն նոր ընկերներին, այլեւ խոշոր բանկերի աշխատակիցների եւ հայտնի գործարարների։ Սակայն հանճարեղ խարդախությունն ընդհատվել է․ ի վերջո աղջիկը հայտնվել է ճաղերի ետեւում։