Ռուս հայտնի շոումեն Դմիտրի Նագիեւը Ուրախների եւ հնարամիտների ակումբի բարձրագույն լիգայի առաջին խաղերի ընթացքում կփոխարինի հեռուստահաղորդավար Ալեքսանդր Մասլյակովին։ Հեռուստախաղի անփոփոխ հաղորդավարը վարակվել է կորոնավիրուսով։ Այդ մասին YouTube-յան ալիքում հայտնել է դերասան Դենիս Կոսյակովը։
«Ողջույն, սիրելիներս։ Գաղտնիքը բացահայտված է։ Ես գիտեմ, թե հիմա ով է վարելու Ուրախների եւ հնարամիտների ակումբը։ Եվ այսպես, ՈւՀԱ-ի նոր հաղորդավարը կլինի Դմիտրի Նագիեւը»,- հայտնել է Կոսյակովը։
Ալեքսանդր Մասլյակովը ՈւՀԱ-ն վարում է 1964թ․-ից։ Այս տարիների ընթացքում նա ոչ մի անգամ ոչ մի խաղ բաց չի թողել։ Ավելի վաղ Ալեքսանդր Վասիլեւչը հայտնել է, որ խաղը կվարեն «մարդիկ, որոնք օտար չեն ՈւՀԱ-ին եւ հայտնի խաղացողներ»։ Ենթադրվում էր, որ Մասլյակովի փոխարեն բեմ կբարձրանա դերասան Իվան Ուրգանտը։ Խաղի նկարահանումները տեղի կունենան փետրվարի կեսերին։