NEWS.am STYLE-ը շարունակում է հետաքրքիր փաստեր ներկայացնել հանրահայտ տարբեր ֆիլմերի մասին։ Այսօր խոսքը Յոախիմ Ռյոնինգի և Էսպեն Սանդբերգի «Կարիբյան ծովի ծովահենները. Մեռյալները հեքիաթներ չեն պատմում» ֆիլմի մասին է (2017թ.)։
Եվ այսպես…
1.Ֆիլմի ռեժիսորի աթոռի համար դիտարկվում էին Ֆրեդրիկ Բոնդը, Թիմ Բարթոնը, Ալֆոնսո Կուարոնը, Շոն Լևին, Սեմ Ռայմին, Ռուպերտ Սանդերսը և Քրիս Վեյցը։
2.Հենրիի դերի թեկնածուներն էին Անսել Էլգորթը, Բրենթոն Թուեյթսը, Տարոն Էջերթոնը, Ջորջ Մաքքեյը և Սեմ Քիլին։ Ի վերջո, ընտրվեց Թուեյթսը:
3.Ավստրալիայում նկարահանումների ժամանակ Ջոնի Դեփը վնասել է ձեռքը և ստիպված է եղել վերադառնալ ԱՄՆ։
4.Կարինայի դերի համար դիտարկվել են Լյուսի Բոյնթոնը, Գաբրիելա Ուայլդը, Ջեննա Թիամը, Կայա Սկոդելարիոն և Ալեքսանդրա Դոուլինգը։ Արդյունքում որոշվեց, որ Քայա Սկոդելարիոն լավագույնս համապատասխանում է այդ դերին։
5.Խրոնոմետրաժի առումով այս մասը ֆրանշիզայի ամենակարճն է։
6.Քրիստոֆ Վալցը բանակցություններ էր վարում ֆիլմի անտոգանիստի դերի համար, բայց, ի վերջո, հրաժարվեց: Հակառակորդի դերում հանդես եկավ Խավիեր Բարդեմը։
7.Օռլանդո Բլումը և Կիրա Նայթլին վերադարձան Ուիլյամ Թերների և Էլիզաբեթ Սուոնի դերերին։
8.Ռեժիսոր Յոախիմ Ռյոնինգի երկու երեխաները նկարահանվել են ֆիլմում։
9.Նկարահանող խումբը փորձում էր պաշտպանվել երկրպագուների ներկայությունից, ուստի ֆիլմով հետաքրքրված բոլոր մարդկանց ասվում էր, որ նկարահանվում է «Հերշել» ֆիլմը։
10.Որոշ երկրներում ֆիլմը թողարկվել է «Կարիբյան ծովի ծովահենները. Սալազարի վրեժը» վերնագրով։
11.230 միլիոն դոլար բյուջեով ֆիլմը համաշխարհային վարձույթում հավաքել է ավելի քան 794 միլիոն դոլար:
Նորայր Նազարյան