Ովքե՞ր են հայկական շոու-բիզնեսի ամենաոճային արտիստները՝ ըստ NEWS.am STYLE-ի ինստագրամյան հարցման (ֆոտո)
12:31 26 փետրվարի, 2022NEWS.am STYLE-ն իր ինստագրամյան էջի story բաժնում հարցում է իրականացրել պարզելու համար, թե ովքեր են ըստ մեր հետեւողների՝ հայկական շոու-բիզնեսի ամենաոճային հայտնիները: «Հայ արտիստներից ո՞ւմ եք համարում ամենաոճայինը» հարցման ներքո նշվել է 12 հայտնի հայի անուն, եւ ինչպես խոստացել էինք քվեարկության սկզբում՝ այժմ կամփոփենք, թե ո՞ր հայ հայտնիներին են մեր հետեւողներն առանձնացրել:
Այսպիսով, հարցաման առաջատարներն են Սիրուշոն, Իվետա Մուկուչյանն ու Լիլիթ Հովհաննիսյանը:
(Լուսանկարը՝ Դամիան Հովհաննիսյանի)
Նրանց հաջորդել են «Մանկական Եվրատեսիլ 2021»-ի հաղթող Մալենան եւ երգչուհի Աննա Դովլաթյանը:
Հարկ է նշել, որ հարցման մասնակիցներն ավելի շատ առանձնացրել են իգական սեռի ներկայացուցիչների անուններ, հայտնի տղամարդկանցից հարցման ներքո նշել են միայն Ռաֆայել Երանոսյանին եւ «Նոր Ալիք 2021»-ի հաղթող Սարո Գեւորգյանին:
Ամենաոճայինների ցուցակում տեղ են գտել նաեւ դերասանուհիներ Մարիամ Ալեքսանյանը, Եվա Զոհրաբյանը,
Իննա Խոջամիրյանը եւ հայկական շոու-բիզնեսի ամենահայտնի քույրերից՝ Սոֆյա ու Մայա Պողոսյանները:
Շնորհակալ ենք մեր հարցման բոլոր մասնակիցներին, իսկ եթե հետաքրքրեց այս ֆորմատը, շտապենք տեղեկացնել, որ այսուհետ ինստագրամյան մեր էջում ավելի հաճախակի կլինեն նման հարցումներ: Հետեւեք մեր էջին եւ եղեք ակտիվ:)
Լուսանկարները՝ հայտնիների ինստագրամյան էջերից