Սուպերմոդելները՝ Վիրջիլ Աբլոյին նվիրված տրիբյուտ-ցուցադրության պոդիումին
22:12 1 մարտի, 2022Փարիզում նորաձեւության շաբաթը բացել է Վիրջիլ Աբլոյի տրիբյեւտ-շոուն՝ հարգանքի տուրք մատուցելով Վիրջիլ Աբլոյի հիշատակին։ Պոդիում են դուրս եկել սուպերմոդելներ ու այլ աստղեր: Այս մասին հայտնում է Page Six-ը։
Շոուին մասնակցել են Նաոմի Քեմփբելը, Սինդի Քրոուֆորդը, Կայա Գերբերը, Քենդալ Ջենները, Կարլի Քլոսը, Ջիջի եւ Բելլա Հադիդները: Պոդիումում նրանց է միացել թենիսիստուհի Սերենա Ուիլյամսը։ Շոուի հյուրերի թվում են եղել Ռիհաննան եւ նրա ընկերը՝ A$AP Rocky-ին, Ֆարել Ուիլյամսը, Կառլա Բրունին, Թեյլոր Հիլը եւ այլ աստղեր:
Off-White-ի ցուցադրությունը, որը ստացել է Spaceship Earth անվանումը, Աբլոյի մահից հետո առաջինն է։ Ապրանքանիշը ներկայացրել է կուտյուրային հավաքածու, որը մշակել է նաեւ հենց ինքը՝ դիզայները։ Off-White-ը, որը պատկանում է LVMH կոնցեռնին, նախատեսում է աշխատել «Վիրջիլ Աբլոյի անսահման գաղափարների հետ, որոնք նա ամեն օր ուղարկել է WhatsApp-ով»:
Դիզայները կյանքից հեռացել է անցյալ տարվա նոյեմբերին՝ կյանքի 42-րդ տարում։ Մահվան պատճառը քաղցկեղն էր, որի դեմ պայքարել է մի քանի տարի։
Աղբյուրը՝ Gazeta.ru