«Օսկարի» հաղորդավարն Ուիլ Սմիթի հարվածից հետո ոստիկանություն չի դիմել
11:01 28 մարտի, 2022Ամերիկացի կատակերգու Քրիս Ռոքը հրաժարվել է դերասան Ուիլ Սմիթի դեմ հաղորդում ներկայացնել ոստիկանություն․ Սմիթն «Օսկար» մրցանակաբաշխության ընթացքում անհաջող կատակի պատճառով հարվածել է նրան, հայտնում է «ABC»-ն՝ վկայակոչելով Լոս Անջելեսի ոստիկանությանը։
«Լոս Անջելեսի ոստիկանության քննիչները տեղյակ են երկու տղամարդու մասնակցության միջադեպի մասին, որը տեղի է ունեցել ակադեմիայի մրցանակների հանձնման ընթացքում։ Միջադեպի ընթացքում մի մարդ մյուսին հարված է հասցրել։ Միջադեպի մասնակիցը հրաժարվել է ոստիկանություն դիմել»,- ասված է ոստիկանության հայտարարության մեջ, որը մեջբերել է ալիքը։
Հայտարարությամբ է հանդես եկել նաեւ Ամերիկյան կինոակադեմիան՝ նշելով, որ դերասան Ուիլ Սմիթի մասնակցությամբ միջադեպի ֆոնին հանդես է գալիս ընդդեմ բռնության ցանկացած դրսեւորման դեմ։ «Ակադեմիան չի ընդունում բռնության ոչ մի դրսեւորում»,- ասված է ԱՄՆ կինոակադեմիայի Twitter-ի էջում։
Ուիլ Սմիթն ԱՄՆ կինոակադեմիայի 94-րդ մրցանակաբաշխության ընթացքում պաշտպանել է կնոջը։ Միջադեպը տեղի է ունեցել, երբ հաղորդավար Քրիս Ռոքը կատակել է Սմիթի կնոջ՝ Ջեյդա Փինկեթ-Սմիթի սանրվածքի մասին։ Նախկինում Փինքեթ-Սմիթը հայտարարել է, որ մազաթափության խնդիր ունի եւ մրցանակաբաշխությանը մասնակցել է՝ գլուխը սափրած։ Այդ բառերից հետո Ուիլ Սմիթը բեմ էր բարձրացել եւ հարվածել գործընկերոջ դեմքին։
Աղբյուրը՝ «ՌԻԱ Նովոստի»
Լուսանկարները՝ Getty Images