«Ովքե՞ր են ձեր ամենասիրելի հայ դերասանները». NEWS.am STYLE-ի ինստագրամյան հարցման առաջատարները (ֆոտո)

NEWS.am STYLE-ը շարունակում է իրականացնել արդեն ավանդույթ դարձած ինստագրամյան հարցումները, որոնց ընթացքում փորձում ենք պարզել մեր հետեւողների նախընտրությունները: Նախորդ հարցման արդյունքում պարզեցինք, թե որ հայ դերասանուհիներն են մեր ինստագրամյան լսարանի սիրելիները:

Մեր հերթական հարցումը «Ո՞վ է ձեր սիրելի հայ դերասանը» թեմայով էր: Ինչպես միշտ մեր հետեւողները բավական ակտիվ էին, նրանք նշել են հայկական էկրաններից հայտնի մի շարք դերասանների անուններ: Ներկայացնում ենք, թե ովքեր են հավաքել առավելագույն ձայներ ու հայտնվել թոփ-հնգյակում:

Հարցման մասնակիցների մեծամասնությունը նշել է Խորեն Լեւոնյանի անունը, այդպիսով դերասանն առաջին հորիզոնականում է:

Երկրորդ հորիզոնականը հավասար ձայներով կիսել են Գեւորգ Գրիգորյանն ու Միհրան Ծառուկյանը:

Երրորդ տեղում Սոս Ջանիբեկյանն է:

Չնայած Սարգիս Եղիազարյանն առավել ակտիվ է, որպես երգիչ եւ  հազվադեպ է նկարահանվում,  երկրպագուների քվեարկության շնորհիվ նա հայտնվել է չորրորդ հորիզոնականում:

Հինգերորդ հորիզոնականում Էդգար Իգիթյանն է:

Շնորհակալ ենք ակտիվ լինելու համար. հետեւեք NEWS.am STYLE-ի ինստագրամյան էջին, որպեսզի բաց չթողնեք մեր մյուս հետաքրքիր հարցումները:

Լուսանկարները հայտնիների ֆեյսբուքյան եւ ինստագրամյան էջերից