Կաթնաթթուն կարելի է գտնել տարբեր տեսակի մաշկի համար նախատեսված միջոցներում: Այն հատկապես գնահատում են մաշկը փափկեցնելու, այն խոնավությամբ հագեցնելու եւ երիտասարդության հիմնական սպիտակուցի՝ կոլագենի սինթեզը խթանելու ունակության համար։ Կաթնաթթուն շատ ավելի արդյունավետ է, երբ համակցված է խոնավեցնող բաղադրիչների հետ:
Յուղոտ եւ թերությունների հակում ունեցող մաշկի համար կաթնաթթուն կարող է փրկարար լինել: Նյութը կանխում է ծակոտիների խցանումը եւ նոր բորբոքումների առաջացումը՝ նորմալացնելով ճարպագեղձերի աշխատանքը։ Այն նաեւ ի վիճակի է հարթեցնել մաշկի ռելիեֆը, եւ դրա բնական սպիտակեցնող ազդեցությունն օգնում է արդյունավետ կերպով հաղթահարել հետակնե հետքերը եւ պիգմենտացիաները:
Կաթնաթթուն պիլինգների արտադրության մեջ հայտնի բաղադրիչ է: Այն թուլացնում ու քայքայում է մահացած բջիջների միջեւ կապերը՝ ապահովելով նուրբ, անվտանգ շերտավորում եւ սկսելով վերածննդի գործընթացը: Կաթնաթթվային պիլինգներն ամենաանվտանգներից են ու հարմար են նույնիսկ չոր եւ զգայուն մաշկի համար: Գարնանը նման պրոցեդուրաներն իսկական փրկություն են ցրտաշունչ ձմռանից հետո։
Նշենք, որ դուք միշտ պետք է վերահսկեք անհատական ալերգիկ ռեակցիաները: Եթե առաջին անգամ եք օգտագործում կաթնաթթվով մաքրող միջոց, նախ քսեք այն մաշկի փոքր հատվածին եւ թողեք որոշ ժամանակ: Եթե ռեակցիա չկա, ապա կարող եք ապահով կերպով քսել միջոցը ամբողջ դեմքին:
Աղբյուրը՝ Ivona.ua