Արքայազն Չարլզը կնոջ աչքի առջեւ սիրահետել է հայտնի դերասանուհուն
13:09 3 ապրիլի, 2022Արքայադուստր Դիանան մի անգամ ասել է, որ Չարլզի հետ ամուսնության մեջ նրանք երեքով են եղել։ Ավելի ուշ հայտնի դարձավ, որ խոսքը Կամիլա Փարքեր-Բոուլզի մասին էր։ Մեծ Բրիտանիայի ապագա թագավորի ներկայիս կինը երկար տարիներ ցուցակագրված էր որպես նրա սիրուհի։ Իր կյանքի սերը համարվող կնոջ հետ հարսանիքից հետո Ուելսի արքայազնին դավաճանելիս չեն տեսել։ Սակայն սիրախաղը, ինչպես պարզվեց, դեռեւս առկա է Եղիսաբեթ II-ի որդու կյանքում։
Դա կարելի է դատել BBC Eastenders ֆիլմի նկարահանման հրապարակում արված լուսանկարներից, ուր Չարլզն այցելել է Կամիլայի հետ։ Կադրերում երեւում է, թե ինչպես է արքայազնը հատուկ ուշադրություն դարձնում դերասանուհի Լետիցիա Դինին՝ բռնելով նրա ձեռքը։ Նրանք երկուսն էլ լայն ժպտում են։
Բացի այդ, ինչպես գրում է Daily Mail-ը, 73-ամյա Չարլզը հանել է վերարկուն, որպեսզի այն գցի սառած Լետիցիայի ուսերին, մինչդեռ Կամիլան զրուցել է կայքի մյուս աշխատակիցների հետ։
Աղբյուրի փոխանցմամբ՝ արքայազնի ասպետական արարքն ընդունվել է ծափահարություններով, ամոթխած դերասանուհին ասել է նրան. «Շնորհակալ եմ վերարկուդ ինձ պարտքով տալու համար, այն շատ հաճելի է բուրում»։ Դեռ հայտնի չէ, թե ինչպես է Կամիլան արձագանքել ամուսնու նման քայլին։
Աղբյուրը՝ GraziaMagazine
Լուսանկարը՝ Aaron Chown — WPA Pool/Getty Images