NEWS.am STYLE-ը ձեզ է ներկայացնում սթրիմինգային ծառայությունների ապրիլյան պրեմիերաները, որոնք դուք չեք տեսնի կինոթատրոններում։
«Ավելի լավ Նեյթ, քան երբեւէ»
Disney+
13-ամյա Նեյթ Ֆոսթերը երազում է դառնալ Բրոդվեյի մեծ աստղ։ «Լիլո և Սթիչ.Մյուզիքլ»-ի լսումների համար նա իր լավագույն ընկեր Լիթիի հետ կազմակերպում է համարձակ ճանապարհորդություն դեպի Նյու Յորք:
Պրեմիերան ապրիլի 1-ին է:
«Յակշա: Դաժան մեթոդներ»
NETFLIX
Հարավային Կորեայի Կենտրոնական հետախուզական վարչության աշխատակիցը՝ Յակշա ծածկանունով, որը գտնվում է Չինաստանի Շենյան քաղաքում, սկսում է Հյուսիսային Կորեայի բարձրաստիճան պաշտոնյայի որոնման գործողությունը, քանի որ նա անհետ կորած է համարվում։
Պրեմիերան ապրիլի 1-ին է:
«Հին դանակներ»
Amazon Prime Video
Սելիան և Հենրին՝ նախկին գործընկեր-գործակալներն ու սիրեկանները, երկար բաժանումից հետո, թվում է, պատահաբար հանդիպել են Կալիֆորնիայի Կարմել քաղաքում: Խաղաղ օվկիանոսի ափին գտնվող հարմարավետ ռեստորանում ընթրիքի ժամանակ նրանք վերհիշում են իրենց ռոմանտիկ անցյալը՝ չգիտակցելով, որ յուրաքանչյուրն ունի պատվեր մյուսի համար:
Պրեմիերան ապրիլի 8-ին է:
«Զբոսանքներ երկուսով»
NETFLIX
Ամռանը աշխատասեր ուսանող Օդենը հանդիպում է առեղծվածային Էլիին, ով գիշերային զբոսանքների ժամանակ օգնում է նրան սուզվել դեռահասության անհոգ կյանքի մեջ:
Պրեմիերան ապրիլի 22-ին է:
Հաճելի դիտում
Նորայր Նազարյան