Լոնդոնում վերանվանել են Դեգայի «Ռուս պարուհիներ» կտավը․ այժմ այն կրում է «Ուկրաինացի պարուհիներ» անվանումը
14:01 4 ապրիլի, 2022Լոնդոնի ազգային պատկերասրահն Ուկրաինայում իրավիճակի պատճառով վերանվանել է Էդգար Դեգայի «Ռուս պարուհիներ» նկարը։ Հիմա արդեն այն կրում է «Ուկրաինացի պարուհիներ» անվանումը, հայտնում է The Guardian-ը։
«Այս նկարի անվանումը երկար տարիներ բազաթիվ քննարկումների առարկա է եւ լուսաբանվում է գիտական գրականության մեջ, սակայն վերջին մեկ ամսվա ընթացքում իրավիճակի հետ կապված դրան ավելի շատ ուշադրություն է հատկացվում։ Այդ պատճառով մենք պահը հարմար ենք համարել թարմացնելու համար նկարի անվանումը, որ այն ավելի լավ արտացոլի սյուժեն»,- պարբերականը մեջբերել է ազգային պատկերասրահի հայտարարությունը։
Ֆրանսիացի իմպրեսիոնիստ Էդգար Դեգայի կտավը պատկերում է պարող աղջիկների, որոնք մազերին դեղին եւ կապույտ գունի ժապավեններ են կապել։