Երգչուհի, դիզայներ Անահիտ Սիմոնյանը նոր լուսանկար է հրապարակել՝ ներկայացնելով իր հմայիչ կերպարը։
Ինստագրամյան էջում տեղադրված սեւ-սպիտակ կադրերում երիտասարդ մայրիկը կրում է մուգ գույնի ժիլետ, որը համադրել է ոճային տաբատի հետ։ Նա արձակել է ալիքավոր հարդարված մազերը, մեղմ շպարով է։ «Միշտ աղոթեք, որ ունենաք աչքեր, որոնք տեսնում են ամենալավը, սիրտ, որը ներում է ամենավատը, միտք, որը մոռանում է վատը եւ հոգի, որը երբեք չի կորցնում հավատը։ Բարի լույս իմ սիրելիներ», - հրապարակումը մակագրել է Անահիտ Սիմոնյանը։
Օրեր առաջ տեղադրված կադրերում Անահիտը պատկերված էր որդու՝ Արմանի հետ։ Մայր ու որդի ջերմ գրկախառնված էին։ Հետեւորդները գնահատել էին լուսանկարն ու նրանց դրական խոսքեր էին գրել։
Լուսանկարը՝ davtyanphoto