Հոլիվուդյան դերասան Ջոնի Դեփը նախկին կնոջ՝ դերասանուհի եւ մոդել Էմբեր Հերդի կողմից բռնության վերաբերյալ ապացույցներ է ներկայացրել, հայտնում է բրիտանական «Sky News» հեռուստաալիքը։
Նախկին ամուսինների միջեւ դատական նիստի ընթացքում Դեփի անվտանգության աշխատակիցը՝ Շոն Բեթը, ցույց է տվել ծեծված դերասանի լուսանկարները։ Դրանցում դերասանի դեմքին կարելի է քերծվածքներ ու վերքեր նկատել։ Նախկինում այդ կադրերը չեն հրապարակվել։
Բեթն ատենակալներին հայտնել է, որ ինքն է պնդել, որ հարկավոր է լուսանկարել։ Նա Դեփին ասել է, որ դրանք հարկավոր է պահել որպես ապացույց, եթե հանկարծ Հերդը որոշի նախկին ամուսնու դեմ մեղադրանքներ ներկայացնել։ Ընդ որում, անվտանգության աշխատակիցն ընդգծել է, որ տեսել է դերասանի վնասվածքները, սակայն երբեք Հերդի կողմից բռնության գործադրման վկա չի եղել։
Աղբյուրը՝ Lenta.ru