Աղմկոտ սկանդալից հետո Ադելն աշխատանքից ազատել է իր թիմին
20:12 21 ապրիլի, 2022Բրիտանացի երգչուհի Ադելն աղմկոտ սկանդալից հետո աշխատանքից ազատել է իր թիմին, որը կազմակերպում էր նրա համերգը Լաս Վեգասում՝ ԱՄՆ-ում, հայտնում է Page Six-ը։
Հունվարին երգչուհին համերգից ընդամենը մեկ օր առաջ հայտնել է, որ չեղարկում է ելույթը Լաս Վեգասում։ Չեղարկման տարբեր պատճառներ էին նշվում՝ կորոնավիրուսից մինչեւ երգչուհու անձանական կյանքում առկա խնդիրները․ ինսայդերները նշում էին, որ երգչուհին բոլոր փորձերի ընթացքում հեռախոսով վիճել է սիրելիի՝ Ռիչ Փոլի հետ։
Լրչատվամիջոցների տեղեկություններով՝ արտիստը նոր աշխատակիցների է վարձել՝ հույս ունենալով, որ նրանց օգնությամբ իրեն, ամեն դեպքում, կհաջողվի Լաս Վեգասում համերգ անցկացնել։ Ադելը ծրագրում է ներկայանալ «լիովին վերափոխված շոուով»։