Սեզոնի ամենանորաձեւ տաբատները. թրենդային մոդելներ, որոնք չի կարելի բաց թողնել (ֆոտո)
14:10 1 մայիսի, 2022Ազատ տաբատներ
Ազատ տաբատները ժամանակակից ցանկացած զգեստապահարանի հիմքն են հանդիսանում։ Այս տաբատների բազմակողմանիության շնորհիվ առաջին սեզոնը չէ, որ թրենդների առաջին հորիզոնականում են: Նման անկաշկանդ մոդելը համադրվում է բառացիորեն ցանկացած վերնաշապիկի՝ անգամ լայն մարզաշապիկի, դասական բաճկոնի, անգամ համարձակ բացվածքով տոպի հետ։ Սակայն ավելի կանացի տեսք ունենալու համար խորհուրդ ենք տալիս ընտրել իրեր, որոնք ընդգծում են գոտկատեղը. Կչոպ-տոպեր, վերնաշապիկներ, բլուզներ կամ շապիկներ, որոնք անպայման պետք է դրված լինեն տաբատի տակ:
Խակի գույներով կարգո տաբատներ
2000-ականների ոճը, որն ակտուալ է այս սեզոնին, վերադարձրել է մոռացված հիթը՝ կարգո տաբատը։ Իրականում դրանք դարձել են ձանձրալի ջոգերների այլընտրանք՝ նույն ազատ կտրվածքը եւ մի փոքր «կոպիտ» ուրվագիծը: Այդ իսկ պատճառով այս մոդելը լավագույնս համադրվում է կիպ կտրվածք ունեցող վերնաշապիկների հետ՝ գոտկատեղն անմիջապես ավելի բարակ է երեւում։ Այսպիսով, եկեք հիշենք մեր մանկությունը եւ երևակայենք r'n'b հանդերձանքների մասին:
Գծերով «գրասենյակային» տաբատներ
Գծերով տաբատները վաղուց դադարել են լինել բացառապես գրասենյակային դրես-կոդի մաս, սակայն օվերսայզ ոճի նորաձեւությունը ժամանակավորապես դրանք դուրս է թողել թրենդներից: Հիմա ժամանակն է հիշել «լավ մոռացված հինը»։ Դասական մոդելները, որոնք ընդգծում են կազմվածքը վերեւից եւ մի փոքր ընդարձակվում դեպի ներքեւ, լավ տեսք կհաղորդեն ցանկացած աղջկա։ Նման տաբատները կարելի է համադրել կա՛մ լայն շապիկների, կամ ամենառոմանտիկ վերնաշապիկների հետ։
Ատլասե տաբատներ
Ատլասը կարելի է համարել այս սեզոնի it-կտորը. Եւ խոսքը միայն զգստների մասին չէ։ Բլուզներ, կորսետներ, ցանկացած երկարության կիսաշրջազգեստներ՝ նման գործվածքի շնորհիվ ամեն ինչ նորաձեւ է դառնում, իսկ ատլասե total-լուքը կլինի ոճի պիլոտաժը։ Ատլասե տաբատ ընտրելիս պետք է հիշել, որ այս նուրբ կտորի վրա հեշտությամբ են հետքեր հայտնվում են, բայց հանուն նորաձեւության կարելի է փոքր-ինչ ուշադիր լինել։
Ցածր գոտկատեղով տաբատներ
2000-ականների ոճի մեկ իր։ Բոլորը փորձում էին մոռանալ այս թրենդը, ինչպես մղձավանջը, բայց այժմ այն ամբողջությամբ վերադարձել է։ Ճիշտ է, այսօր ամենեւին էլ պետք չէ ամբողջությամբ մերկացնել որովայնը։ Բավարար է պարզապես արձակել է վերնաշապիկի ներքեւի կոճակները։ Բայց ամենահամարձակները կարող են փորձել նման մոդելներ կարճ տոպով: Եվ մի անհանգստացեք ներքնազգեստի մասին, որը կարող է երեւալ։ Սա նույնպես համարձակ նորաձեւության տենդենցի մի մասն է:
Աղբյուրը՝ GraziaMagazine
Լուսանկարները՝ Սոցցանցեր