«Սովամահ չի եղել». Քիմ Քարդաշյանի մարզիչը բացահայտել է նրա նիհարելու մանրամասները
14:06 7 մայիսի, 2022Met Gala-ին հայտնվելուց ի վեր Քիմ Քարդաշյանի քաշի կորուստը բուռն քննարկվող թեմաներից է։ Ոմանք պարզապես չեն հավատում, որ ռեալիթի հեռուստաաստղը կարող էր դա անել եւ նրան կասկածում են բարեմասնությունները փոքրացնելու մեջ:
Մյուսները քննադատել են նիհարելու անառողջ մեթոդների ու երիտասարդների համար վատ օրինակի համար: Երեք շաբաթ շարունակ Քարդաշյանը, իբր, խստորեն սահմանափակվել է իրեն, եւ միջոցառումից անմիջապես հետո նետվել է պիցցայի վրա։
Այնուամենայնիվ, ֆիթնեսի մարզիչ Դոն Բրուքսը կտրականապես համաձայն չէ իր հասցեին հնչող նախատինքներին։ Նա հայտարարել է, որ Քիմ Քարդաշյանի հետ աշխատել է նորաձեւության երեկոյին նախորդող օրերին եւ տեսել, թե ինչ ջանքեր է գործադրել իր «խնամակալության» տակ գտնվող աստղը։
«Ես հետեւում էի գործընթացին, եւ դա սով չէր: Նկատի ունեմ, որ նա անցել է հավասարակշռված սննդակարգի եւ երբեմն այդքան շատ չէր ուտում: Եվ երկրորդ, նա մարզասրահում էր եւ աշխատում էր»,- TMZ-ին ասել է Դոն Բրուքսը։
Մարզիչը հայտարարել է, որ երբեմն օրական երկու անգամ մարզել է Քարդաշյանին։ Թերահավատների համար նա նաեւ ընդգծել է՝ երեք շաբաթում առանց առողջությանը վնասելու կարող եք նիհարել ոչ միայն 7 կգ, այլ նույնիսկ 9 կգ։
Քիմ Քարդաշյանը դիետա է պահել, որպեսզի կարողանա կրել Մերիլին Մոնրոյի խորհրդանշական զգեստը, որը նա կրել է 1962 թվականին նախագահ Ջոն Քենեդիի ծննդյան խնջույքին: