Էմբեր Հերդը հիստերիա է բարձրացրել դատական նիստի ժամանակ
13:09 7 մայիսի, 2022Ջոնի Դեփի եւ Էմբեր Հերդի ամուսնալուծությունը ամենախոշորներից մեկն է Հոլիվուդի պատմության մեջ։ Հայտնի մարդիկ բաժանվել են 2017 թվականին, բայց դեռ շարունակում են հարաբերությունները պարզել դատարանում: Ոչ վաղ անցյալում բացահայտվեցին Հոլիվուդի ամենասկանդալային ամուսնության հերթական մանրամասները՝ Դեփի նախկին կինը պատմել է, թե ինչպես է դերասանն առաջին անգամ ձեռք բարձրացրել իր վրա։
Իր ցուցմունքների ժամանակ Էմբեր Հերդը փորձում էր զսպել արցունքները՝ պատմելով նախկին ամուսնու հետ հարաբերությունների մասին։ Դերասանուհին երկար ժամանակ փորձում էր զսպել իր զգացմունքները, բայց ի վերջո չդիմացավ եւ հիստերիա բարձրացրեց հենց դատավարության ժամանակ։
«Ինչ-որ պահի նա ընկավ վրաս եւ սկսեց բղավել, որ ես կործանել եմ իր կյանքը։ Նա բռնեց պարանոցիցս։ Ես շատ էի վախենում։ Այդ ժամանակ ասես ուրիշ մարդ լիներ, ոչ թե Ջոնին: Ես փորձեցի նրան բացատրել, որ դա ինձ ցավ է պատճառում», - ասել է Հերդը: Դրանից հետո, ըստ նրա, Ջոնին իրեն բռնաբարել է լիկյորի շշով։ Դերասանուհին խոստովանել է, որ ամենից շատ վախեցել է, որ ապակե տարան ջարդված էր։
Հենց այդ օրը միջադեպ է տեղի ունեցել, որի արդյունքում դերասանը քիչ էր մնում կորցներ մատը։
Անմիջապես այն բանից հետո, երբ դատավորը ընդմիջում է հայտարարել, որպեսզի Էմբերը ուշքի գա, Ջոնի Դեփը փորձել է մոտենալ նրան։ Սակայն նույն պահին Էմբերը փախել է նրանից սենյակի մեկ այլ անկյուն, իսկ ոստիկանները փակել են դեպի նրան տանող ճանապարհը։
Լուսանկարները՝ Jim Lo Scalzo/ Pool/Pool/AFP via GettyImages