Studio Warner Bros. ընկերությունը հրապարակել է Էլվիս Փրեսլիի կենսագրական ֆիլմից նոր հատված: Լեգենդար երաժշտին մարմնավորել է Օսթին Բաթլերը։
Կենսագրական ֆիլմը պատմում է Էլվիսի կարիերայի սկզբի եւ համաշխարհային մակարդակի աստղի վերածվելու մասին։ Ֆիլմում շոշոփվում են նաեւ Փրեսլիի եւ նրա մենեջեր Թոմ Փարքերի հարաբերությունները։
«Էլվիս»-ի ռեժիսորը Բազ Լուրմանն է։ Ֆիլմում նկարահանվել են նաեւ Օլիվիա ԴեՋոնգը, Քոդի Սմիթ-Մակֆին եւ այլք։ Փրեսլիի այրին՝ Պրիսցիլան անցյալ շաբաթ իր հիացմունքն է արտահայտել ֆիլմի եւ գլխավոր դերակատարի հանդեպ։
«Էլվիս» ֆիլմի համաշխարհային պրեմիերան տեղի կունենա Կաննի կինոփառատոնում՝ արտամրցութային կարգով։
Աղբյուրն ու լուսանկարը՝ Film.ru