30 տարեկանում մահացել է հայտնի ռոք երաժիշտ Նիք Քեյվի որդին՝ Ջետրո Լազենբին, հայտնում է Independent-ը՝ վկայակոչելով ռոքերի խոսքերը։
«Խորը վշտով կարող եմ հաստատել, որ որդիս՝ Ջետրոն, մահացել է»,- ասել է Քեյվը։
Ջետրո Լազենբին մոդել է ու դերասան, բանտից գրավով ազատ է արձակվել մահվանից երկու օր առաջ։ Տղամարդուն զրկել էին ազատությունից այն պատճառով, որ նա ծխախոտի պատճառով վեճի ընթացքում ծնկով հարվածել էր մոր դեմքին՝ առաջացնելով «կապտուկներ ու արյուն», հայտնում է Daily Mail-ը։
2015թ․-ին Մեծ Բրիտանիայում մահացել է Նիք Քեյվի մյուս որդին՝ Արթուր Քեյվը։ Նա Բրայթոնում ընկել էր զառիթափից եւ հոսպիտալացվել, սակայն բժիշկները չէին կարողացել փրկել 15-ամյա դեռահասի կյանքը։