«Եվրատեսիլ 2022». Հայաստանը եզրափակչում է (ֆոտո)

01:05   11 մայիսի, 2022

Իտալիայի Թուրին քաղաքում այսօր կայացավ «Եվրատեսիլ 2022»-ի առաջին կիսաեզրափակիչ փուլը. Հայաստանը ներկայացնող Ռոզա Լինը, հաղթահարելով մրցակցությունն, անցավ եզրափակիչ փուլ:

Armenia’s Rosa Linn, performing at the Eurovision Song Contest 2022 Semi Final

Ըստ մրցույթի կանոնների՝ յուրաքանչյուր կիսաեզրափակչից միայն 10 երկիր է ուղեգիր ստանում դեպի եզրափակիչ: Այսօր Ռոզայի հետ մրցում էին եւս 16 երկրների մասնակիցներ, որոնցից եզրափակիչ անցան Շվեյցարիան, Իսլանդիան, Լիտվան, Պորտուգալիան, Նորվեգիան, Հունաստանը, Ուկրաինան, Մոլդովան եւ Նիդերլանդները ներկայացնող արտիստները: Քվեարկությանը մասնակցել են ինչպես պրոֆեսիոնալ ժյուրին, այնպես էլ այսօրվա մասնակից երկրների հեռուստադիտողները:

Armenia’s Rosa Linn, performing at the Eurovision Song Contest 2022 Semi Final

Մայիսի 12-ին կկայանա «Եվրատեսիլ 2022»-ի երկրորդ կիսաեզրափակիչ փուլը, որից հետո պարզ կդառնա եզրափակչի ամբողջական պատկերը: Մրցույթի եզրափակիչը նախատեսված է մայիսի 14-ին:

Ռոզա Լինը «Եվրատեսիլ 2022»- ում Հայաստանը ներկայացում է իր հեղինակած Snap երգով: 21-ամյա երգչուհին, որը ծնունդով Վանաձորից է, պատմում է, որ իր եվրատեսիլյան ստեղծագործությունն իր ապրումների ու դժվար փուլի արդյունքում ծնված երգ է, որն, ըստ Ռոզայի, իր համար այսօր ունի դրական նշանակություն, քանի որ հենց այդ ապրումներն են իրեն բերել «Եվրատեսիլ»:

Armenia’s Rosa Linn, performing at the Eurovision Song Contest 2022 Semi FinalArmenia’s Rosa Linn, performing at the Eurovision Song Contest 2022 Semi Final

Իր երգով Ռոզան ցանկանում է ոգեշնչել մարդկանց չհանձնվել, չկոտրվել դժվարություններից ու գնալ իրենց երազանքի հետեւից:

Լուսանկարները՝ EBU/SARAH LOUISE BENNETT



© NEWS.am STYLE