Սնուցիր, խոնավեցրու, խնամիր․ ինչպես ճիշտ խնամել մաշկը 30 տարեկանից հետո
19:09 15 մայիսի, 2022Օգտագործեք հակատարիքային քսուքներ
Չնայած այն հանգամանքին, որ թոշակի անցնելը դեռ շատ հեռու է, արժե ձեռք բերել հակատարիքային քսուք եւ սկսել այն օգտագործել նպատակային: Դրա հակաօքսիդանտները եւ այլ օգտակար բաղադրիչները կպայքարեն ծերացման վաղ նշանների դեմ՝ թույլ տալով ձեր մաշկին ավելի երկար մնալ երիտասարդ, տոնուսային եւ փայլուն:
Մի մոռացեք արեւապաշտպան քսուքի մասին
Արեւապաշտպան քսուքը միայն լողափի համար չէ: SPF ֆիլտր պարունակող քսուքը կարեւորագույն իրն է նաեւ քաղաքի համար՝ անկախ տարվա եղանակից։ Նման քսուքի օգտագործումը կօգնի կանխել կնճիռների ու տարիքային բծերի առաջացումը, բացի այդ, այն կդառնա մելանոմայի կանխարգելման կարեւոր գործոն։
Ճիշտ սնվեք
Նույնիսկ, եթե դուք հետեւում եք ձեր կազմվածքին ու փորձում եք սահմանափակել ինքներդ ձեզ, մի մոռացեք, որ ձեր սննդակարգը պետք է ներառի ածխաջրեր, սպիտակուցներ եւ ճարպեր: Վերջիններս հատկապես կարեւոր են մաշկի առողջության համար։ Ճարպի պակասը կդարձնի մաշկը պակաս ամուր եւ առաձգական՝ առաջացնելով կնճիռներ։
Քնեք ինչպես հարկն է
Չնայած այն հանգամանքին, որ մենք մեր կյանքի մոտ մեկ երրորդն անցկացնում ենք քնի մեջ, կարիք չկա ձգտել նվազեցնել այս ցուցանիշը։ Քնի միջին տեւողությունը պետք է լինի մոտ 7 ժամ։ Գիտնականները պարզել են, որ չափազանց կարճ, ինչպես նաեւ շատ երկար քունը լավագույնս չի ազդում մեր ինքնազգացողության եւ, իհարկե, մաշկի վիճակի վրա։
Քնի պակասը ակնթարթորեն կնկատվի՝ աչքերի տակ մուգ շրջանակներ, թուլացած մաշկ, կնճիռներ, դեմքի անառողջ երանգ։ Ամբողջ շաբաթվա փոխարեն հանգստյան օրերին քնելը չի աշխատի։ Այդ իսկ պատճառով արժե կարգավորել ձեր ռեժիմը եւ փորձել քնել խստորեն նախատեսված ժամին։
Իհարկե, մաշկի վիճակը կախված է բազմաթիվ գործոններից, այդ թվում՝ գենետիկայից: Բայց մեր ուժերի սահմաններում է փորձել մաշկին ապահովել անհրաժեշտ խնամքով, որպեսզի այն ավելի երկար մնա առողջ, առաձգական, գեղեցիկ ու փայլուն:
Աղբյուրը՝ Thevoicemag.ru