Դմիտրի Պեւցովն անկեղծորեն պատմել է որդու մահվան մասին
11:32 24 մայիսի, 2022Ռուս դերասան եւ քաղաքական գործիչ Դմիտրի Պեւցովն անկեղծորեն պատմել է 2012թ․-ին որդու՝ Դանիլի մահվան մասին։ Դերասանի խոսքով՝ ողբերգությունը տակնուվրա է արել իր կյանքը։
«Ես շնորհակալ եմ որդուս, որ ինձ այդ կերպ եկեղեցի տարավ։ Դա, հավանաբար, նրա գլխավոր նվերն է ինձ։ Ես զգացի այն, ինչ երբեք չէի զգացել»,- պատմել է արտիստը՝ նշելով, որ մինչ այդ ինքը սուրբ վայրեր այցելել է միայն ձեւականորեն եւ կնոջ նախաձեռնությամբ։
Վյաչեսլավ Մանուչարովին տված հարցազրույցի ընթացքում Պեւցովը նշել է, որ, հավանաբար, «Դանիլի հոգին պատրաստ» էր այն աշխարհ տեղափոխվել։
Դերասանի որդին, ի դեպ, մահացել է ողբերգական միջադեպի արդյունքում։ Նա երեկույթի ընթացքում ընկել էր պատշգամբից ու մահացել վերակենդանացման բաժանմունքում։