Փարիզյան «Լուվր» թանգարանը դատական հայց կներակացնի տղամարդու դեմ, որը տոր է նետել իտալացի նկարիչ Լեոնարդո դա Վինչի «Ջոկոնդա» («Մոնա Լիզա») կտավի վրա, հայտնում է «Le Parisien» թերթը։
Պարբերականի հաղորդմամբ՝ այս պահին 24-ամյա տղամարդը գտնվում է հոգեբուժական հիվանդանոցում։ Բժիշկները պետք է որոշեն՝ արդյոք բժշակական ցուցանիշներով հնարավո՞ր է նրան ձերբակալելը։
Միջադեպը տեղի է ունեցել մայիսի 30-ին։ Տղամարդն այցելել է թանգարան եւ եղել է հաշմանդամի սայլակով։ Նա սկզբում փորձել է կոտրել ապակին, որը պաշտպանում էր կտավը, իսկ հետո տորթ է նետել դրա վրա։ Տղամարդն իր քայլը պարզաբանել է աշխարհը պաշտպանելու փորձով։
Լուսանկարը՝ A_mirandam