«Դեպի եվրատեսիլ 2020»-ի հաղթող հունահայ երգչուհի Աթենա Մանուկյանը ներկայացրել է իր նոր՝ LOCA երգի տեսահոլովակը։ Այն հունիսի 3-ից հասանելի է YouTube-ում։ «Եվրատեսիլ 2020»-ի հայաստանյան ներկայացուցիչն այս անգամ համագործակցել է 6ix9ine-ի պրոդյուսեր Limitless-ի հետ։ LOCA-ն արտիստի առաջին իսպաներեն-հունարեն երգն է։
«LOCA-ն կյանքի բարդության, բայց նաեւ խենթության մասին է. տառապանքին հաջորդում է ծիծաղը, վիրավորանքին՝ երջանկությունը։ Բարձրանալու համար պետք է ընկնել: Կյանքը չափազանց կարճ է սահմանափակումների համար: Խենթություններ արեք։ Կյանքը խենթությունների համար է, դու էլ ես խենթ»,- ասում է Աթենա Մանուկյանը։
Երգի երաժշտության հեղինակներն են Աթենա Մանուկյանը եւ Limitless-ը, իսկ խոսքերը երգչուհին համահեղինակել է Վիկտորիա Օրֆանուդակի հետ։ Ձայնագրության պրոդյուսերը DJ Paco-ն է։