Ստրադիվարիուսի ջութակը, որն իր ձեռքերում է պահել Էյնշտեյնը վաճառվել է 15,3 մլն դոլարով
11:07 12 հունիսի, 2022Վարպետ Անտոնիո Ստրադիվարիուսի ջութակը Նյու Յորքի աճուրդում վաճառվել է 15,3 մլն դոլարով, գրում է Spiegel-ը։
Ըստ մասնագետների՝ գործիքը, որը կոչվում է «դա Վինչի», պատրաստվել է 1714 թվականին, այդ շրջանը Ստրադիվարիուսի կյանքում անվանվում է ոսկե ժամանակ։
Ըստ Tarisio աճուրդի տան՝ ջութակի արժեքն ավելի ցածր է եղել, քան նախորդ ռեկորդային գինը, երբ 2011 թվականին իտալական արտադրության գործիքի համար վճարել են 15,9 մլն դոլար։
Tarisio աճուրդի տան ներկայացուցիչ Ջեյսոն Փրայսը հայտնել է, որ ջութակը գրեթե 40 տարի պատկանում է ջութակի հայտնի վիրտուոզ Տոշե Զեյդելին, որը ոչ միայն ջութակ է նվագել, այլեւ Փրինսթոնում Ալբերտ Էյնշտեյնին սովորեցրել է ջութակի արվեստը։ Աշակերտն ու ուսուցիչը նույնիսկ համերգներով են հանդես եկել։ 1933 թվականին նրանք ելույթ են ունեցել Նյու Յորքում կայացած համերգի ժամանակ, որից ստացված հասույթը ուղղված էր ֆաշիստական Գերմանիայից փախած հրեա գիտնականներին աջակցելուն։
Աղբյուրը՝ Gazeta.ru
Լուսանկարը՝ Robert Bailey / Auktionshaus Tarisio / dpa