«Օսկարակիր» սցենարիստ, պրոդյուսեր եւ կինոռեժիսոր Փոլ Հագիսը, որը ձերբակալվել է բռնաբարության համար, հայտարարել է, որ անմեղ է, հայտնում է ANSA-ն։
Ռեժիսորի դեմ հաղորդում էր ներկայացնել օտարազգի կինը, որը Հագիսին մեղադրել է իրեն երկու օր պահելու եւ հարկադիր ինտիմ մտերության համար։ Կինը բժիշկների եւ հոգեբանների օգնության կարիքն է ունեցել։
Հագիսն իր փաստաբանի՝ Մակելե Լաֆորջինի միջոցով փոխանցել է, որ շուտափույթ հետաքննություն է պահանջում։ 2017թ․-ին ռեժիսորի դեմ կրկին բռնաբարության մեղադրանք է առաջադրվել։
Հագիսն «Օսկարի» է արժանացել «Բախում» եւ «Միլիոն դոլարանոց փոքրիկը» ֆիլմերի համար։
Լուսանկարը՝ Danny Moloshok/Reuters