Գեղեցկության թագուհին Բրազիլիայից մահացել է նշագեղձերի վիրահատությունից հետո
14:01 22 հունիսի, 2022Բրազիլիայից գեղեցկության թագուհին՝ 27-ամյա Գլեյսի Կորեիան, մահացել է երեք ամիս կոմայում գտնվելուց հետո, հայտնում է Daily Mirror-ը։
Գեղեցկության մի քանի տարածաշրջանային մրցույթների հաղթողը վերակենդանացման բաժանմունքում է հայտնվել ապրիլի 4-ին, երբ արյունահոսություն է սկսել, եւ սրտի կանգ է տեղի ունեցել։ Դրանից հինգ օր առաջ կինը նշագեղձերի հեռացման վիրահատության է ենթարկվել։
Հոգեւորական Լիդիան Ալվես Օլիվեյրան, որը ճանաչում է հանգուցյալի ընտանիքին, հայտնել է, որ Կորեիան երկուսուկես ամիս կոմայում է եղել «առանց ուղեղի նեւրոլոգիական ակտիվության նշանների»։