Տիմատիի նախկին սիրելին հիփոթեքով բնակարան է ձեռք բերել

Մոդել Ալյոնա Շիշկովան՝ հայտնի ռեփեր Տիմատիի դստեր մայրը, դարձել է Ռուսաստանի մայրաքաղաքի լիիրավ բնակիչը։ Նա բնակարանն անձամբ է ձեռք բերել, թեեւ համացանցում լուրեր էին պտտվում, որ ունեցվածքը նրա համար ձեռք է բերել նախկին սիրելին։

«Ինքս։ Հինգ տոկոս հիփոթեքով։ Բայց արդեն վճարել եմ (գրեթե)։ Ի դեպ, շատ մարդիկ են վախենում հիփոթեք վերցնել, կարծում են, որ դա վախեցնող է, եւ ավելի լավ է խնայել։ Իսկ խնայել չի հաջողվում, արդյունքում մարդիկ ամբողջ կյանքն ապրում են վարձակալած բնակարաններում կամ հարազատների հետ։ Ես եւս նախկինում այդպես էի մտածում։ Իսկ հիմա հասկանում եմ, որ հիփոթեքն առհասարակ վախեցող չէ եւ շատ հարմար է»,- գրել է Շիշկովան։

Բնակարանի ինտերիերն ապահովում է երկու դիզայներ, Շիշկովան անձամբ է ղեկավարում գործընթացը։