Ձեռքից մաքուր չեն․ հայտնիներ, որոնք գողություն են արել

Ջեյք Ջիլենհոլ

Անգամ դերասան եւ հոլիվուդյան դերասան Ջեյք Ջիլենհոլն առանց թերությունների չէ: Պարզվել է, որ մի անգամ նա Լոս Անջելեսի առեւտրի կենտրոնում գողացել է հայտնի Speedo ապրանքանիշի լողազգեստ։ Ջիլենհոլը դա որոշել է անել, քանի որ ընկերն ասել է, որ նման բան չի կարող անել։ Այս մասին հետագայում խոստովանել է դերասանը։ Նա հանդերձարանում հագել է այն, ապա լքել է խանութը՝ անտեսելով ձայնային ազդանշանը։ Սա կարող էր լինել կատարյալ հանցագործություն, սակայն անվտանգության աշխատակիցներն անմիջապես արձագանքել են ու կալանավորել դերասանին։ Թե ինչ եղավ հետո, հայտնի չէ, բայց, ըստ ամենայնի, կոնֆլիկտը լուծվել է արագ ու խաղաղ ճանապարհով։

Մեգան Ֆոքս

«Տրանսֆորմերների» աստղն այժմ դժվար թե կարողանա գնումներ կատարել Walmart խանութից, նույնիսկ եթե նա իսկապես ցանկանա: Դեռահաս տարիքում Մեգանը որոշել է շուրթերի փայլ գողանալ Ֆլորիդայի տեղական խանութից: Այս փոքրիկ գողությունը կարող էր աննկատ մնալ, բայց անվտանգության տեսախցիկներին չի ստացվել «խաբել»։  Ֆոքսին բռնել եւ պատժել են անվտանգության աշխատակիցները, իսկ նա խոստովանել է հանցանքը: Բարեբախտաբար, նրանք ոստիկանություն չեն կանչել. Նրան արգելվել է այցելել Walmart։

Լինդսի Լոհան

Ժամանակին Լինդսի Լոհանի անունն անընդհատ հնչում էր մամուլում, բայց ոչ նրա կարիերայի հաջողության պատճառով. դերասանուհին միշտ հայտնվում էր տարբեր սկանդալների կենտրոնում: 2011 թվականին Լոհանը դատարանի առաջ կանգնեց Վենետիկի ոսկերչական խանութից 2500 դոլար արժողությամբ վզնոց գողանալու համար։ Los Angeles Times-ի լրագրողներն այն ժամանակ նույնիսկ գրել էին, որ դերասանուհին մեկ անգամ չէ, որ պապարացիների տեսախցիկների տեսադաշտում հայտնվել է գողացված զարդերով։ Լոհանը դատարանում իրեն մեղավոր չի ճանաչել։ Բայց դա ոչ մի բանի վրա չազդեց։ Դատարանը դերասանուհուն դատապարտել է 120 օր ազատազրկման եւ 480 ժամ հասարակական աշխատանքի։

Բրիթնի Սփիրս

Գաղտնիք չէ, որ համբավը եւ ամենուր տարածված պապարացիների ուշադրությունը 2000-ականներին գրեթե ոչնչացրեցին Բրիթնիի հոգեկանը: Այսպիսով, 2007 թվականին փոփ աստղը որոշեց այցելել Hustler խանութ՝ ներքնազգեստ գնելու համար։ Նախքան գնելը, նա ցանկացել է փորձել այն, բայց խորհրդատուներն ասել են, որ դա հնարավոր չէ անել: Սակայն ոչ մի արգելք չխանգարեց Սփիրսին. նա բոլորի աչքի առաջ հանեց սեփական ներքնազգեստը եւ հագավ նորերը։ Նա վճարեց դրա համար, բայց գողացավ բոլորովին այլ բան: Ցնցված խորհրդատուներն ու անվտանգության աշխատակիցները չեն նկատել, թե ինչպես է երգչուհին մանեկենից հանել կեղծամը։

Սակայն այս միջադեպը միակը չէ։ Մեկ տարի անց նա Fred Swgal խանութից դուրս է եկել  զգեստով, որի համար իբր մոռացել էր վճարել: Նա վերադարձրել է հագուստը, ուստի ոստիկանության կարիք չի զգացվել։ Մանր գողությունը նրա համար խորթ չէ՝ նույն 2007 թվականին նա բենզալցակայանից գողացավ կրակայրիչ, որն արժեր մեկ դոլարից մի փոքր ավելի։

Աղբյուրը՝ GraziaMagazine