Արքայազն Հարին եւ Մեգան Մարքլին նկատել են Օփրա Ուինֆրիի շքեղ առանձնատան մոտ՝ Կալիֆոռնիա նահանգի Մոնտեսիտո քաղաքում։ Այդ մասին գրում է Daily Mail-ը։ Լրագրողները ենթադրել են, որ դա ընկերական այց չի եղել։ Զույգը պատրաստվում է նոր հարցազրույցի։
Ամուսիններն Ուինֆրիի տանն են եղել մոտ մեկ ժամ։
Եթե զույգի հետ նոր հարցազրույցի լուրը ճշմարիտ է, ապա այն, ամենայն հավանականությամբ, կկենտրոնանա Հարիի եւ Մեգանի Մեծ Բրիտանիա կատարած վերջին ուղեւորության վրա։ Նրանք մեկնել էին նշելու Եղիսաբեթ II-ի գահակալության պլատինե տարեդարձը։ Բայց մեկ շաբաթում նրանք ներկա գտնվեցին միայն մեկ պաշտոնական միջոցառման։ Ամուսինները ցույց չեն տվել նաեւ իրենց որդուն՝ Արչիին եւ դստերը՝ Լիլիբեթին։