«Ընկերները» սերիալի համահեղինակ Մարտա Քաուֆմանը ներողություն է խնդրել այն բանի համար, որ սիթքոմի գլխավոր դերակատարների շարքում չեն եղել սեւամորթ կերպարներ։ Նրա խոսքերը փոխանցում է LA Times-ը։
Քաուֆմանը խոստովանել է, որ ամաչում է այն փաստից, որ սերիալի դերասանական կազմը հիմնականում սպիտակամորթ դերասաններից է բաղկացած։
«Վերջին 20 տարում ես շատ բան եմ սովորել։ Մեղքն ընդունելը հեշտ չէ։ Ես ամաչում եմ, որ չգիտեի այս մասին 25 տարի առաջ», - խոստովանել է Քաուֆմանը:
Մարտան ներողություն է խնդրել շոուի ռասայական բազմազանության բացակայության համար եւ հավելել, որ 4 միլիոն դոլար կնվիրաբերի Բոստոնի իր հարազատ Բրանդեյս համալսարանին: