Ամերիկացի երգչուհի Բրիթնի Սփիրսի հայրը՝ Ջեյմին, հերքում է, որ խնամակալության ժամանակ իր դստեր ննջասենյակում գաղտնալսման սարք է տեղադրել։ Այս մասին հայտնում է PageSix հրատարակությունը։
Ջեյմին այս հայտարարությունն արել է երդվյալ ատենակալների առջեւ այն բանից հետո, երբ երգչուհու նախկին թիկնապահը «Վերահսկողություն Բրիթնի Սփիրսի վրա» վավերագրական ֆիլմում բացահայտել էր, որ Ջեյմին ձայնագրել է իր դստեր ավելի քան 180 ժամ տեւողության խոսակցությունները, ներառյալ երեխաների եւ փաստաբանի հետ զրույցները, ինչպես նաեւ տեքստային հաղորդագրությունների ու զանգերի մոնիտորինգը, ինտերնետից օգտվելու պատմությունը:
«Ինձ տեղեկացրել են այն պնդումների մասին, որ խնամակալության տակ գտնվելու ընթացքում նրա ննջասենյակում տեղադրվել է գաղտնալսող սարք: Այս հայտարարությունը կեղծ է», - մեջբերում է հրատարակությունը երգչուհու հոր խոսքերը։
Լուսանկարը՝ Getty images