«Լասկովիյ մայ» խմբի պրոդյուսեր Ռազինը Շատունովի մահվան մեջ մեղադրել է դատավորին
12:12 5 հուլիսի, 2022«Լասկովիյ մայ» խմբի պրոդյուսեր Անդրեյ Ռազինը պատմել է, որ Ստավրոպոլի դատավորը հօգուտ Շատունովի անօրինական որոշում է կայացրել՝ նրան փոխանցելով խմբի երգերի իրավունքները։ Նրա խոսքով՝ դրանով դատավորը խրախուսել է արտիստին եւ մոլորության մեջ գցել։ Այս մասին գրում է «Կոմսոմոլսկայա պրավդա»-ն։
«Կարծում եմ, որ այդ որոշումը Յուրային հանգեցրեց հուզական պոռթկման՝ մեծ եւ բարդ հյուրախաղերի ժամանակացույցի ֆոնին, ինչը մեծապես ազդեց նրա մահվան վրա», - նշել է նա:
Ռազինը նաեւ պատմել է, որ պատրաստվում է ոչ միայն վիճարկել դատարանի որոշումը, այլեւ հասնել դատավորին կարգավիճակից զրկելուն։
Սրտի սուր անբավարարությունից Շատունովի մահվան մասին հայտնի է դարձել հունիսի 23-ին։ Արտիստի հրաժեշտի արարողությանը հազարավոր մարդիկ են ներկա եղել։