«Մեր բակը»․ Հրուշ Աճեմյանի երեւանյան street style-ը
10:42 6 հուլիսի, 2022Հոլիվուդյան աստղերի եւ Քարդաշյան քույերերի վիզաժիստ Հրուշ Աճեմյանը շատ ակտիվ է վարում իր Instagram-ը, պարբերաբար հրապարակում է լուսանկարներ, որոնցում ներկայանում է տարբեր կերպարներում, գովազդում՝ կոսմետիկա եւ հագուստ, նկարահանում է տեսահոլովակներ։ Նա առանձնանում է արտասովոր եւ ռիսկային կերպարներով։
Հրուշ Աճեմյանն այժմ իր հանգիստն է վայելում Հայաստանում։ Իր միկրոբլոգում տեղադրված կադրում նա հմայիչ կերպարում է․ կրում է կապույտ երանգի, մարմինն ընդգծող զգեստ, որը համադրել է կարմիր բարձրակրունկների հետ։ Նա արձակել է մազերը, նախապատվությունը տվել է վառ ու արտահայտիչ շպարին։ «Մեր բակը», - գրել է Հրուշը։
Օրերս հրապարակված կադրում ԱՄՆ-ում բնակվող դիմահարդարը պատկերված էր եկեղեցու ֆոնին։ Նա կրում էր սեւ հագուստ։ Մազերն արձակված էին, իսկ կերպարն ամբողջական էր դարձնում արեւապաշտպան ակնոցը։ «Իմ ուժն իմ հավատն է», - հրապարակումը կարճ մեկնաբանել էր Հրուշը։