Դեն Բիլզերյանը Երեւանում է․ Պոկերի արքան հանդիպել է երկրպագուներին ու ներկայացրել իր գիրքը (ֆոտո/վիդեո)
17:12 6 հուլիսի, 2022Դեն Բիլզերյանը Հայաստանում է։ «Պոկերի արքան» այսօր առաջին անգամ այցելեց Երեւանի սրտում գտնվող իր բրենդային խանութը՝ Ignite-ը, որտեղ հանդիպեց երկրպագուներին եւ ներկայացրեց իր «Դրվածք» գիրքը: Բիլզերյանը ոչ միայն ստորագրեց գրքերն ու լուսանկարվեց ցանկացողների հետ, այլեւ ընդունեց նրանց պատրաստած նվերները:
Իր հեղինակային գրքում պոկերի աստղը զետեղել է իր հետ կատարվող ամենաանիրական պատմությունները եւ արտառոց դրվագները: Ինչպես նրա կյանքը, այնպես էլ գիրքը 18+ է՝ նախատեսված չափահաս ընթերցողի համար:
Բիլզերյանին տեսնելու էին եկել ոչ միայն իր հայրենակիցներն, այլեւ զբոսաշրջիկները։ Պոկերի արքան հասցրեց շփվել նաեւ NEWS.am STYLE-ի հետ: Մանրամասները մեր պատրաստած ֆոտո եւ վիդեո ռեպորտաժներում:
Սյունե Առաքելյան
Լուսանկարները` Արսեն Սարգսյանի
Օպերատոր` Հայկ Հովհաննիսյան