50 Cent-ը կնկարահանվի TikTok բլոգերների մասին սարսափ ֆիլմում
11:12 13 հուլիսի, 2022Աշխարհահռչակ ռեփեր 50 Cent-ը, որը հուլիսի 1-ին ելույթ է ունեցել Երեւանում, նկարահանվելու է Skill House սարսափ ֆիլմում։ Այս մասին հայտնում է Deadline-ը։
Ջոշ Ստոլբերգի ժապավենը կպատմի սոցիալական ցանցերի մասին, թե ինչի են պատրաստ գնալ բլոգերները հանուն փառքի։
Դերասանական կազմում ընդգրկված են նաեւ TikTok-ի հայտնի բլոգեր Բրայս Հոլը, խառը մենամարտերի մարզիկ Փեյջ Վանզանթը, դերասաններ Լեա Փայփսը, Մաքքերի ՄաքՔոսլենդը, Իվան Լյունգը եւ այլք։