Երեկ երեկոյան՝ նոյեմբերի 21-ին, Երեւանի «Արամ Խաչատրյան» համերգասրահում կայացել է մեծանուն իսպանացի տենոր Պլասիդո Դոմինգոյի որդու՝ երգիչ եւ կոմպոզիտոր Պլասիդո Դոմինգո կրտսերի առաջին ելույթը Հայաստանում: Դոմինգո կրտսերի համերգների կազմակերպիչը «Mezzo Production» ընկերությունն է:
Հայաստանի մայրաքաղաքում իր ելույթի ընթացքում նա կատարել է լատինաամերիկյան սիրային բալլադների, ջազի եւ ռոմանտիկ երաժշտության մի խառնուրդ, որը բնորոշ է իր նոր` «Latidos» («Սրտի զարկեր») ձայնասկավառակին:
Կոմպոզիտորի խոսքով, այս ելույթն իր նոր սկավառակի պրոմո-ծրագրի մասն է:
Ավելի վաղ՝ նոյեմբերի 17-ին, Դոմինգո կրտսերը ելույթ էր ունեցել նաեւ Արցախի մայրաքաղաք Ստեփանակերտում:
Տեքստը՝ Լիլիթ Պետրոսյանի
Լուսանկարները՝ Արսեն Սարգսյանի